Hymn No. 1690 | Date: 02-Feb-1989

મળ્યા જીવનમાં તો જે-જે, છૂટા એ તો પડવાના

 

પ્રાર્થના, ધ્યાન, અરજી, વિનંતી (Prayer, Meditation, Request)

1989-02-02 1989-02-02 1989-02-02 https://www.kakabhajans.org/bhajan/default.aspx?id=13179 મળ્યા જીવનમાં તો જે-જે, છૂટા એ તો પડવાના મળ્યા જીવનમાં તો જે-જે, છૂટા એ તો પડવાના

છૂટા પડેલા તો, ફરી પાછા કદી તો મળવાના

છૂટો પડ્યો છું રે, તુજથી હું તો માડી

   ફરી પાછા આપણે તો, જરૂર મળવાના

નથી કોઈ હિસાબ તો મારો, તો મારી પાસે

છે હિસાબ તો મારો રે માડી, તારી પાસે પાકો

વિશ્વાસ તો છે તુજમાં રે માડી

   હિસાબમાં તો ગોટાળા નથી થવાના

જનમોજનમ તો રહ્યા છે વીતતા

જુદાઈની જુદાઈ તો ના છૂટી

રાચી તારી માયામાં, જુદાઈ તો કોઠે પડી

   કૃપા વિના તો તારી, ફરક એમાં નથી પડવાના

છીયે અમે તો નબળા, માનીયે અમને સબળા

છે કસોટીના ઘા આકરા, નથી અમે તો ઝીલવાના

તારા સાથ અને સહારા વિના રે માડી

   જરૂર અમે તો તૂટી પડવાના

વધુ તને શું કહેવું રે માડી, તું નથી કાંઈ અજાણી

ભૂલો અમારી દેજે વિસારી, બાળક અમને જાણી

તારામાંથી પડયા છીએ છૂટા અમે રે માડી

   કરજે કૃપા એવી, તુજમાં અમને તો ભળવાની Satguru Shri Devendra Ghia (Kaka)