Hymn No. 2000 | Date: 13-Sep-1989

છે સળગતા જ્વાળામુખી પર તો આસન તારું, જેની તને ખબર નથી

 

જ્ઞાન, સત્ય, આભાર (Knowledge, Truth, Thanks)

1989-09-13 1989-09-13 1989-09-13 https://www.kakabhajans.org/bhajan/default.aspx?id=13489 છે સળગતા જ્વાળામુખી પર તો આસન તારું, જેની તને ખબર નથી છે સળગતા જ્વાળામુખી પર તો આસન તારું, જેની તને ખબર નથી

ફાટશે અચાનક કેમ અને ક્યારે એ તો, ખબર એની તને પડવાની નથી

નથી કોઈ વરદાન પાસે તો તારી, શું ભસ્મ એમાં તો તું બનશે નહીં

વરદાન સહિત હોળિકા જળી ગઈ, બચી ના શકી એ તો એમાંથી

જાણે છે ક્રોધે કંઈકને જલાવ્યા, બનાવી રાખ તો કંઈકના જીવનની

છે શું કવચ તારી પાસે એનું, ભસ્મ બનશે નહીં શું તારા જીવનની

ઈર્ષ્યાએ જલી જલાવી, કીધી ભસ્મ તો કંઈકના હૈયાની

છોડશે એ તો ક્યાંથી તને, સ્વીકારજે વાત આ સહુના અનુભવની

કામની જ્વાળા હૈયે જ્યાં જલી, જાયે એ તો સહુને રે બાળી

છુટાય ના જલદી એમાંથી, લપેટાયા જગમાં, સંસારી ને કંઈક વૈરાગી

વિરહનો અગ્નિ જલે જ્યાં હૈયે, ભૂલે ને ભુલાવે યાદ એ ખુદની

જાગે જ્યાં અગ્નિ એ પ્રભુ કાજે, છે જીવનની એ શુભ નિશાની Satguru Shri Devendra Ghia (Kaka)