Hymn No. 3181 | Date: 03-May-1991
|
|
|
Text Size |
 |
 |
જિંદગીમાં કોઈ ને કોઈ મળતું રહે છે, ના કાયમ કોઈ મળતાં રહે છે
કાયમ ના કોઈ તો સાથે રહે છે, છૂટાં ને છૂટાં પડતાં તો રહે છે
નથી કાયમના દુશ્મન તો કોઈ જગમાં, દુશ્મનાવટ તો થાતી રહે છે
છે સહુની તો પાસે ને પાસે ને સાથે ને સાથે, અજ્ઞાન સહુ એનાથી રહ્યા છે
મળ્યા આજે, મળે પાછા ક્યારે, ના કોઈ એ તો કહી શકે છે
સમજાતું નથી કે જગમાં સહુ તો સહુને શાને મળતાં તો રહે છે
પ્રેમ, વેર કે સંબંધ, જગમાં મળ્યા વિના ના એ તો ઉદ્ભવે છે
છે સહુની પાસે ને પાસે, ને સાથે ને સાથે, અજ્ઞાન સહુ એનાથી રહ્યા છે
કદી રહ્યા સાથે, કદી પડયા છૂટા, તાંતણા બંધાતાં ને તૂટતાં રહે છે
અગર મળતાં રહે તાંતણા જે જીવનાં, સાથે ને સાથે એ તો રહે છે
એવા તાંતણાની યાદોની તો ફોરમ, તો અમર ફોરે છે
છે સહુની પાસે ને પાસે, ને સાથે ને સાથે, અજ્ઞાન સહુ એ એનાથી રહે છે
સદ્દગુરુ દેવેન્દ્ર ઘીયા (કાકા)
|
|