Hymn No. 5974 | Date: 01-Oct-1995

રાખ્યું સંઘરી ઘણું ઘણું અંતરમાં, રાખી શકીશ સંઘરી એને તું ક્યાં સુધી

 

જીવન માર્ગ, સમજ (Life Approach, Understanding)

1995-10-01 1995-10-01 1995-10-01 https://www.kakabhajans.org/bhajan/default.aspx?id=1461 રાખ્યું સંઘરી ઘણું ઘણું અંતરમાં, રાખી શકીશ સંઘરી એને તું ક્યાં સુધી રાખ્યું સંઘરી ઘણું ઘણું અંતરમાં, રાખી શકીશ સંઘરી એને તું ક્યાં સુધી

જાશે વધતો ભાર એનો તો જ્યાં અંતરમાં, ખેંચી શકીશ એ ભાર તો તું ક્યાં સુધી

હળવો ફૂલ થયા વિના, લૂંટી શકીશ ના આનંદ જીવનનો, ચાલવા દઈશ એ તું ક્યાં સુધી

ક્યાં સુધી, ક્યાં સુધી, કર વિચાર તું આ જીવનમાં, કરી શકીશ જીવનમાં તું ક્યાં સુધી

કરી જાશે ઊભી એ તો ચિંતા એની હૈયાંમાં, કરી શકીશ સહન એને તું ક્યાં સુધી

સહનશક્તિને તો છે એની સીમા, રહેશે અકબંધ જીવનમાં એ તારી તો ક્યાં સુધી

કરવા સંચય શક્તિની, ઝીલવી પડશે પ્રેમની ધારા, ઝીલી શકીશ તું એ ક્યાં સુધી

ભાર કચડતો જાશે જ્યાં, હણશે તેજ તારું એમાં, હણવા દઈશ તેજ તારું ક્યાં સુધી

મોકળા મને ભળવા ના દેશે એ તને, એકલવાયો રહીશ એમાં તો તું ક્યાં સુધી Satguru Shri Devendra Ghia (Kaka)