કોઈ નથી, કોઈ નથી, જીવનમાં તારું એવું શું કોઈ નથી
તને સાચી રીતે સમજનારું, જીવનમાં તારું એવું શું કોઈ નથી
તારા દર્દભર્યાં દિલને, રાહત આપનારું, તારું એવું શું કોઈ નથી
તારા દર્દને પોતાનું ગણનારું, જીવનમાં તારું એવું શું કોઈ નથી
તારી જીવનની ઝંઝાવાતમાં, તારી સાથે ઉભનારું, તારું એવું શું કોઈ નથી
તારા જીવનનો થાક ઉતારનારું, જીવનમાં તારું એવું શું કોઈ નથી
તારા જીવનના ડગલે, સાથે ડગલાં પાડનારું તારું એવું શું કોઈ નથી
તારી નજરોથી જગને નિહાળનારું, જીવનમાં તારું એવું શું કોઈ નથી
તને પ્રેમભર્યાં બે નયનોથી, દિલથી આવકારનારું, તારું એવું શું કોઈ નથી
રાહે રાહે જાગે મૂંઝવણ, તને રાહ બતાવનારું, તારું એવું શું કોઈ નથી
સદ્દગુરુ દેવેન્દ્ર ઘીયા (કાકા)