Hymn No. 7284 | Date: 14-Mar-1998

ખોવાવું મને તો ગમ્યું, ખોવાવું મને તો ગમ્યું

 

સ્વયં અનુભૂતિ, આત્મનિરીક્ષણ (Self Realization, Introspection)

1998-03-14 1998-03-14 1998-03-14 https://www.kakabhajans.org/bhajan/default.aspx?id=15273 ખોવાવું મને તો ગમ્યું, ખોવાવું મને તો ગમ્યું ખોવાવું મને તો ગમ્યું, ખોવાવું મને તો ગમ્યું

ના જાણું કેમ ખોવાયું, ક્યાં ખોવાયું, પણ જીવનમાં ખોવાયું, ખૂબ ગમ્યું

સરજી મેં તો મારી સૃષ્ટિ, મારી સૃષ્ટિનો સરજનહાર બનવું મને તો ગમ્યું

અનુકૂળ-પ્રતિકૂળ સંજોગોની, રાહ ના જોવી હતી, કરી સંજોગોનું સર્જન ખોવાવું ગમ્યું

આક્ષેપો ને વિક્ષેપો જીવનમાં, બધા ભૂલીને મારી સૃષ્ટિમાં મને ખોવાવું ગમ્યું

હતું આકર્ષણ મને મારી સૃષ્ટિનું, કારણ ગોતવા બીજું જાવું ના પડયું, ખોવાવું ગમ્યું

જોઈ રાહ જીવનમાં ભલે ઘણી, જોવી રાહ આમાં ના પોસાયું, ખોવાયું ગમ્યું

નિત્ય મારી સૃષ્ટિમાં રહ્યો વિહરતો, મારી સૃષ્ટિમાં વિહરવું મને ખૂબ ગમ્યું

સુખચેન મારું લૂંટાયું કે નવું મળ્યું, ગણતરીમાં ખોવાઈ જવાયું, મને ખોવાવું ગમ્યું

તારા વિચારોના વહેણમાં, તણાવું ગમ્યું, પ્રભુ મને તો એમાં ખોવાવું તો ગમ્યું

જીવનભરના રાગો વીસરી, તારો વીતરાગી બનવું ગમ્યું, મને તારામાં ખોવાવું ગમ્યું Satguru Shri Devendra Ghia (Kaka)