Hymn No. 3659 | Date: 31-Jan-1992
|
|
|
Text Size |
 |
 |
છોડશે ના, છોડશે ના, કરેલાં કર્મો તો તારા, જીવનમાં, તને એ છોડશે ના
Chhodase Na, Chhodase Na ,Karela Karmo To Taara, Jeevanama, Tane E Chhodase Na
સેવા, કર્મ, પુરુષાર્થ, જાગ્રતી, ભાગ્ચ (Service, Action, Strive, Alert, Destiny)
છોડશે ના, છોડશે ના, કરેલાં કર્મો તો તારા, જીવનમાં, તને એ છોડશે ના
કરતા કર્મો કર્યો ના વિચાર તેં, ફળ આપ્યા વિના એ તો રહેશે ના
ઘડાશે જીવન તારું તો એનાથી, ઘડયા વિના એ તો રહેશે ના
છે તારા ને તારા એ તો કર્મો, તારા વિના બીજા કોઈને એ તો ગોતશે ના
તારા વિના બીજા એ ગોતશે કોને, તારા વિના બીજા એમાં ચાલશે ના
સારાં ને માઠા હશે એ તો ભેગા, સરવાળો એનો, ગણાયા વિના રહેશે ના
રહેતા રહેતા જેમ છાપ ભૂંસાયે, ભોગવતા એને,ખૂટયા વિના એ રહેશે ના
બાળીશ જ્યાં જ્ઞાન ને વેરાગ્યથી, એને બાળ્યા વિના એ તો રહેશે ના
સોંપીશ ખરા દિલથી જ્યાં બધા પ્રભુને, તારી પાસે એ તો રહેશે ના
સોંપવા ને દેવા એને પભુને, જોઈશે કૃપા પ્રભુની, મળ્યા વિના એ બનશે ના
સદ્દગુરુ દેવેન્દ્ર ઘીયા (કાકા)
|
|