Hymn No. 93 | Date: 27-Oct-1984

લીલા થોરમાં કાંટા ઉગાડ્યા એણે

 

જ્ઞાન, સત્ય, આભાર (Knowledge, Truth, Thanks)

1984-10-27 1984-10-27 1984-10-27 https://www.kakabhajans.org/bhajan/default.aspx?id=1582 લીલા થોરમાં કાંટા ઉગાડ્યા એણે લીલા થોરમાં કાંટા ઉગાડ્યા એણે

   ગુલાબ ફૂલમાં ફોરમ પાથરી જેણે

વિવિધ ફૂલોમાં રંગ પૂર્યા એણે

   વિવિધ સુગંધથી મહેકાવ્યા જેણે

રણોના વેરાનમાં રેતી પાથરી એણે

   નદી સરોવરમાં જળ ભર્યું જેણે

અસહ્ય તાપમાં તપાવ્યા એણે

   અકલ્પ્ય ઠંડીમાં થિજાવ્યા જેણે

હરણની આંખોમાં નિર્દોષતા ભરી એણે

   હિંસક પશુમાં વિકરાળતા ભરી જેણે

વિવિધ રોગો ઉત્પન્ન કર્યાં એણે

   ધરતી ભરી વનસ્પતિથી જેણે

સૂરજના તેજમાં પ્રકાશ પાથર્યો એણે

   ચંદ્રના કિરણમાં શીતળતા પાથરી જેણે

પુરુષોના હૈયામાં કઠોરતા ભરી એણે

   સ્ત્રીના હૈયામાં કોમળતા ભરી જેણે

માનવમાંથી ચોર-લૂંટારા ઊભા કર્યા એણે

   એમાંથી સંતો પણ ઊભા કર્યા જેણે

માટીના પૂતળામાં પ્રાણ પૂર્યા એણે

   સઘળું કરીને જાત છુપાવી જેણે Satguru Shri Devendra Ghia (Kaka)