|
Hymn No. 3838 | Date: 24-Apr-1992
|
|
|
Text Size |
 |
 |
વિશ્વાસે, વિશ્વાસે હંકારજે તું નાવડી, હંકારજે જીવનમાં તું વિશ્વાસે
આવશે આફતો, પડશે કરવો સામનો, હંકારજે જીવનમાં એને તું વિશ્વાસે
થાશે ઊંચી નીચી જીવનમાં નાવડી, રાખજે સ્થિર એને તું વિશ્વાસે
સાથ નથી કોઈ બીજાનો, રાખી દયા ધરમને સાથે, કરજે સામનો, એક જ વિશ્વાસે
શ્વાસ તારા જાશે ઉપર ચડી, ટકી શકાશે ખાલી એમાં તો, એક જ વિશ્વાસે
ફેલાયેલું હશે ચારેકોર અંધારું, પડશે હંકારવી તો એમાં, એક જ વિશ્વાસે
ના મળવાનું હશે, ના કોઈ હશે ત્યાં, પડશે રહેવું ત્યાં તો એક જ વિશ્વાસે
કરીશ ઊભા ચિંતાના ભારા, પડશે ઊંચકવા તારે, રહેજે તું એક જ વિશ્વાસે
નથી ત્યાં કાંઈ ચીજ બીજી, પડશે રહેવું, તારે ને તારે તો એક જ વિશ્વાસે
બની જાશે, વિશ્વાસ પ્રભુ તો તારો, હંકારી શકીશ ક્ષણ, તું એક જ વિશ્વાસે –
સદ્દગુરુ દેવેન્દ્ર ઘીયા (કાકા)
|
|