સંભાળી લેજે રે (2) જીવનમાં રે, તારા હું ને તો તું, તારા હું ને તો તું
કરશે એ તો ડુંગર જેવી મુસીબતો જીવનમાં ઊભી રે, તારો એ તો હું
ભુલાવી તને કયાસ તારો રે જીવનમાં, થઈ જઈશ માનતો એમાં, તને તો શું ને શું
કરતો ને કરતો રહીશ ભૂલો ને ભૂલો એમાં રે જીવનમાં, જીવનમાં તો તું ને તું
રહીશ ગફલતમાં એમાં રે જીવનમાં જો તું, વિકસતો જાશે જીવનમાં તારો તો હું
ક્યારે જાશે એ તો ઉપર, ક્યારે જાશે એ તો શમી, ખાતો રહીશ ઝોલા એમાં તો તું
ખાતો ના દયા એની, ઊછળે એ જ્યારે, કરી શકીશ ભલું જીવનમાં ત્યારે તો તું
પંપાળીશ ખોટો એને જો તું જીવનમાં, કરશે ઊભી નડતર જીવનમાં, સંભાળી શકીશ, એને
તું
રહેતો ના ખોટા ખ્યાલમાં, દેશે સાથ એ તો તને, ઊછળતો રહેશે જ્યાં તારો એ તો હું
હવે સંભાળી લેજે રે એને, રાખજે એને એના સ્થાનમાં, તારા હું ને તો તું
સદ્દગુરુ દેવેન્દ્ર ઘીયા (કાકા)