Hymn No. 4122 | Date: 16-Aug-1992

જાઉં હું તો ક્યાં, જાઉં હું તો ક્યાં, જઈ જઈ જગમાં, જાઉં હું તો ક્યાં

 

સ્વયં અનુભૂતિ, આત્મનિરીક્ષણ (Self Realization, Introspection)

1992-08-16 1992-08-16 1992-08-16 https://www.kakabhajans.org/bhajan/default.aspx?id=16109 જાઉં હું તો ક્યાં, જાઉં હું તો ક્યાં, જઈ જઈ જગમાં, જાઉં હું તો ક્યાં જાઉં હું તો ક્યાં, જાઉં હું તો ક્યાં, જઈ જઈ જગમાં, જાઉં હું તો ક્યાં

થાકી હું તો ક્રોધથી, ભાગ્યો હું તો જગમાં, જોયા સહુને તો, ક્રોધમાં જલતાને જલતા - જાઉં

ઇર્ષ્યાથી થાકીને ભાગ્યો હું તો જગમાં, જોયા સહુને, ઇર્ષ્યામાં તો બળતાને બળતા - જાઉં

જૂઠાણાથી ભાગ્યો ભાગ્યો હું તો જગમાં, જોયા સહુને, જૂઠાણા તો ઓકતાને ઓકતા - જાઉં

લોભથી અકળાઈ ભાગ્યો હું તો જગમાં, જોયા સહુને, લોભમાં તો લપેટાતાને લપેટાતા - જાઉં

લાલચમાંથી બચવા ભાગ્યો હું તો જગમાં, જોયા સહુને, લાલચમાં તો રોતાને રોતા - જાઉં

અભિમાનથી બચવા ભાગ્યો હું તો જગમાં, જોયા સહુને, અભિમાને તો ફુલાતાને ફુલાતા - જાઉં

વેરથી બચવા ભાગ્યો હું તો જગમાં, જોયા તો સહુને, વેરમાં તો રહેસાતાંને રહેસાતાં - જાઉં

ઇચ્છાઓથી બચવા ભાગ્યો હું તો જગમાં, જોયા તો સહુને, ઇચ્છાઓમાં તો ઘેરાતાંને ઘેરાતાં - જાઉં

ભાગી ભાગી ફર્યો પાછો જ્યાં હું તો મુજમાં, દીઠાં મેં તો મારા પ્રભુને ત્યાં હસતાને હસતા - જાઉં https://www.youtube.com/watch?v=6JI8MO5yo4Y Satguru Shri Devendra Ghia (Kaka)