Hymn No. 4263 | Date: 10-Oct-1992

કોણ જાણે, કોણ જાણે, કરશો જીવનમાં ક્યારે તો શું, એ તો કોણ જાણે

 

જ્ઞાન, સત્ય, આભાર (Knowledge, Truth, Thanks)

1992-10-10 1992-10-10 1992-10-10 https://www.kakabhajans.org/bhajan/default.aspx?id=16250 કોણ જાણે, કોણ જાણે, કરશો જીવનમાં ક્યારે તો શું, એ તો કોણ જાણે કોણ જાણે, કોણ જાણે, કરશો જીવનમાં ક્યારે તો શું, એ તો કોણ જાણે

કોણ જાણે, કોણ જાણે, એક જાણે એ તો મારો પ્રભુ, બીજું એ તો કોણ જાણે

જીવનમાં વહેતાં રે વ્હાલપના નીર, સુકાશે જીવનમાં એ ક્યારે એ કોણ જાણે

ભાગ્યની બાંધી મૂઠ્ઠી લઈ આવ્યા જગમાં તો સહુ, નીકળશે એમાં શું, એ કોણ જાણે

હસતો કૂદતો માનવી, ક્ષણમાં થાશે એનું તો શું, એ તો કોણ જાણે

માનવીના ને માનવીના મનમાં રમતો સદા રમાય, રમત એની એ કોણ જાણે

ભરી ભરી આશા જીવનમાં જીવે સહુ, થાશે સફળ કે નહિ, એ તો કોણ જાણે

વિચિત્ર મનનો રે માનવી, કરશે જીવનમાં ક્યારે શું, ને શું એ તો કોણ જાણે

વહેતાં લાગણીને પ્રેમના પૂર, બદલાશે ક્યારે એના સૂર એ તો કોણ જાણે

ઊછળ્યું ઊછળ્યું મોજું સમુદ્રમાં, પહોંચશે કિનારે કે રહેશે દૂર, એ તો કોણ જાણે Satguru Shri Devendra Ghia (Kaka)