Hymn No. 4326 | Date: 11-Nov-1992
|
|
|
Text Size |
 |
 |
શ્વાસે ને શ્વાસે, છે સાથે ને સાથે તો મારો દીનાનાથ, રહેજે તું એના રે વિશ્વાસે ને વિશ્વાસે
કરે છે ચડઊતર એ તો તારી અંદર ને અંદર, ભરવા શક્તિ એ તો શક્તિની સાથે ને સાથે
હૈયે એના તો પ્રેમ વહે, કરે એ પ્રેમથી, જગમાં ધ્યાન તારું એ તો પ્રેમથી રાખે
છોડે ના એ તો તને, ગમે તેવું તું તો કરે, જીવનમાં રહે એ તો તારી સાથે ને સાથે
સૂઝે ના જ્યારે તને, પુકારે જ્યાં તું તો એને, માર્ગ તારો, એમાંથી એ તો કાઢે ને કાઢે
થાશે બધું એની શક્તિથી, એની શક્તિ વિના બનશે નહિ, રહેજે રે તું એના તો વિશ્વાસે
રહેવા ના દેશે તને તો એ અધવચ્ચે, રહેશે જ્યાં તું તો જીવનમાં, એના તો વિશ્વાસે
રહેશે કરતો તું તો જીવનમાં બધું, જીવનમાં તો બધું એનાને એના રે વિશ્વાસે
રહેજે ને રહેજે રે જીવનમાં તું તો સદા, રહેજે સદા, એક એના વિશ્વાસે ને વિશ્વાસે
સદ્દગુરુ દેવેન્દ્ર ઘીયા (કાકા)
|
|