Hymn No. 4466 | Date: 03-Jan-1993

અંધારા સતાવે ખૂબ મને તો જીવનમાં રે માડી, સતાવે મને તો અંધારા

 

સ્વયં અનુભૂતિ, આત્મનિરીક્ષણ (Self Realization, Introspection)

1993-01-03 1993-01-03 1993-01-03 https://www.kakabhajans.org/bhajan/default.aspx?id=16453 અંધારા સતાવે ખૂબ મને તો જીવનમાં રે માડી, સતાવે મને તો અંધારા અંધારા સતાવે ખૂબ મને તો જીવનમાં રે માડી, સતાવે મને તો અંધારા

લાગ્યા નથી કે રહે ના જીવનમાં, કદી એ તો પ્યારા, લાગ્યા ના એ તો પ્યારા - સતાવે..

અહંના પડળ ચડયા જ્યાં નજરમાં, દેખાયા ના ત્યાં એમાં સાચના તો અજવાળા - સતાવે..

ચડયા લોભલાલચના પડળ નજરમાં, દેખાયા ના એમાં સીધા રસ્તાના અજવાળા - સતાવે..

બીન આવડતના ચડયા હૈયે જ્યાં અંધારા, દ્વાર પ્રગતિના ના એમાં દેખાયા - સતાવે..

નિરાશાના વ્યાપ્યા હૈયે જ્યાં અંધારા, જીવનના રસકસ એ તો ઉડાડી ગયા - સતાવે..

વેરને ક્રોધના વ્યાપ્યા તો જ્યાં અંધારા, રહ્યાં જીવનમાં, જીવનને તો એ સતાવતા - સતાવે..

બાંધી દીધી બુદ્ધિને તો જ્યાં વાડામાં, વ્યાપ્યા જીવનમાં મૂંઝવણના તો અંધારા - સતાવે..

ફેલાય જીવનમાં તો જ્યાં ભાગ્યના અંધારા, કાઢવા બન્યા અઘરા ત્યાં દહાડા - સતાવે..

પથરાયા ના જ્યાં હૈયે પ્રભુપ્રેમના તો અજવાળા, બન્યા ગાઢ માયાના તો અંધારા - સતાવે.. Satguru Shri Devendra Ghia (Kaka)