મુશ્કેલીએ આવ્યા છો નજરમાં, નજરમાંથી ઓઝલ ના થઈ જાતા
રહ્યા છીએ સંસાર ઝેર પીતા, પચાવવા પ્રેમામૃત તમારું અમને તો પાજો
ના કાંઈ અમે તો ગેર છીએ, ના પડદા પાછળ છુપાઈ તો તમે રહેતા
છે તમારી કરુણાની તો ચાહના, તમારી કરુણાથી ના વંચિત અમને રાખતા
તમારી કૃપાના લાયક ના ભલે અમે હોઈએ, પાત્ર બનાવવા અમને ના અચકાતા
મુશ્કેલીએ જ્યાં નજરમાં તમે આવ્યા છો, દર્શન દેવામાં ના વિલંબ કરતા
છો અમારા તો તમે સર્વસ્વ, રહ્યા છો સર્વ રીતે સંભાળ અમારી રાખતા
નજરમાં આવો કે ના આવો તમે, તમારા પ્રેમમાં કમી ના આવવા દેતા
કર્મો અમારાં તો વિસારી, રહ્યા છો સુધારવા એને, તક અમને આપતા
સમજી શકો છો સારી રીતે તમે તો અમને, તમને અમે સમજી નથી શકતા
સદ્દગુરુ દેવેન્દ્ર ઘીયા (કાકા)