નકાબભરી આ દુનિયાના નકાબમાં રહ્યો હું તો છેતરાતો
હસતા મૂખની વાતોમાં, મીઠી છૂરીનો અણસાર ના આવ્યો
સરળ એવી તારી આંખોમાં માડી, મીઠાશ ના પારખી શક્યો
છૂપૂં છૂપૂં રૂદન ને છૂપૂં હાસ્ય, રહ્યાં માનવ હૈયાંમાં છુપાવતો
ભાવોની ધમાચકડીમાં, રહ્યો માનવ હૈયાંમાં એમાં તો ભીંસાતો
રહ્યો છુપાવતો ભાવો હૈયાંના જગથી, ગયો બની એમાં પાવરધો
કરી કોશિશો છુપાવવા પ્રભુથી, એના મનના વિચારો ને ભાવો
મળી ના સફળતા એમાં એને, ભલે જગથી એ છુપાવી શક્યો
સરળતાને આર્કષે સરળતા, માનવ જીવનનું આ સત્ય ભૂલ્યો
નકાબમાં ને નકાબમાં માનવ પ્રભુને જીવનમાં ના રીઝવી શક્યો
સદ્દગુરુ દેવેન્દ્ર ઘીયા (કાકા)