Hymn No. 353 | Date: 03-Feb-1986
|
|
|
Text Size |
 |
 |
`મા' નું નામ બોલ મનવા, `મા' નું નામ બોલ
ભવસાગર તરવા મનવા, `મા' નું નામ બોલ
કૂદાકૂદી બહુ કરી મનવા, હવે કૂદાકૂદી છોડ
ભવસાગર તરવા મનવા, `મા' નું નામ બોલ
સમય વિતાવ્યો ખોટો મનવા, `મા' માં ચિત્તડું જોડ
ભવસાગર તરવા મનવા, `મા' નું નામ બોલ
નામ તો આવશે સાચું, હૈયેથી માયા તોડ
ભવસાગર તરવા મનવા, `મા' નું નામ બોલ
દિ, દુનિયાનું દર્દ ભૂલી, હૈયું `મા' ના ચરણમાં જોડ
ભવસાગર તરવા મનવા, `મા' નું નામ બોલ
અનેક ઊપાધિ હૈયે વીંટી, હૈયામાંથી બધી છોડ
ભવસાગર તરવા મનવા, `મા' નું નામ બોલ
કાયા તારી ચાલે છે જ્યાં `મા' માં ચિત્તડું જોડ
ભવસાગર તરવા મનવા, `મા' નું નામ બોલ
હૈયે તારે શાંતિ આવશે, નહિ પડશે કોઈ મોલ
ભવસાગર તરવા મનવા, `મા' નું નામ બોલ
લેતા એનું નામ મનવા, અંતરના પટ ખોલ
ભવસાગર તરવા મનવા, `મા' નું નામ બોલ
નામ એનું આવશે સાથે, જગની ઊપાધિ છોડ
ભવસાગર તરવા મનવા, `મા' નું નામ બોલ
સદ્દગુરુ દેવેન્દ્ર ઘીયા (કાકા)
|
|