એક તારું નામ લેતાં માડી, બધાં નામ તેમાં સમાય
તારું નામ લેતાં માડી, એમાં બધાં નામ આવી જાય
સૂર્યના તેજમાં માડી, જેમ બધાં તેજ આવી જાય
સમુદ્રના જળમાં માડી, જેમ બધી નદી આવી સમાય
તારું રૂપ છે અનોખું માડી, જગનું રૂપ તુજમાં સમાય
તારા રૂપનું દર્શન કરતાં માડી, એમાં જગનું રૂપ દેખાય
ઇચ્છાઓ જાગે હૈયે અનેક, એનો માડી અંત ન દેખાય
જ્યારે સર્વે ઇચ્છા તુજમાં સમાય, અંત એનો આવી જાય
કરુણા જોવા જગમાં ફર્યો માડી, કરુણા ક્યાંય ના દેખાય
તારી દૃષ્ટિ જેના ઉપર પડે માડી, એને કરુણા મળી જાય
સદ્દગુરુ શ્રી દેવેન્દ્ર ઘીયા (કાકા)