Hymn No. 500 | Date: 11-Aug-1986
|
|
|
Text Size |
 |
 |
એક નારીના રૂપ અનેક, દૃષ્ટિ જુદીથી, જુદા દેખાય
બાળકો એમાં `મા' ને નીરખે, નિજ પુરુષને પ્રેયસી દેખાય
મા, બાપ એમાં પુત્રી દેખે, વીરાને વ્હાલસોઇ બેનડી દેખાય
એક નારીના રૂપ અનેક, દૃષ્ટિ જુદીથી, જુદા દેખાય
સોનાના રૂપ અનેક, ઘાટે ઘાટે નામ એના બદલાય
સોની તો એની કિંમત કરશે, જેટલું સોનું એમાં સમાય
નીર હોય કૂવા, નદી કે સરોવરનું, ભલે જુદું એ દેખાય
તરસ્યો પીવે જળ જો એનું, એક સરખી એની પ્યાસ બુઝાય
એક પ્રભુના રસ્તા અનેક, ભલે એ જુદા જુદા દેખાય
ગમે તે એક રસ્તો લેજો, જરૂર એ રસ્તેથી પ્રભુ મળી જાય
પ્રભુ વસ્યો અણુ અણુમાં, જુદા જુદા રૂપે જુદો દેખાય
દૃષ્ટિમાંથી ભેદ હટતા, એનું સાચું રૂપ તો દેખાય
સદ્દગુરુ દેવેન્દ્ર ઘીયા (કાકા)
|
|