Hymn No. 3642 | Date: 23-Jan-1992

તારી વાતમાં ડોકું ધુણાવનારા, જીવનમાં તને તો મળી રહેશે

 

જીવન માર્ગ, સમજ (Life Approach, Understanding)

1992-01-23 1992-01-23 1992-01-23 https://www.kakabhajans.org/bhajan/default.aspx?id=15629 તારી વાતમાં ડોકું ધુણાવનારા, જીવનમાં તને તો મળી રહેશે તારી વાતમાં ડોકું ધુણાવનારા, જીવનમાં તને તો મળી રહેશે

તારી સાચી કે ખોટી વાતોમાં, સૂર પુરાવનારા તને તો મળી રહેશે

થાતો ના રાજી એમાં તું તો, હરખાઈ ના જાતો એમાં રે તું તો

તને ક્યાંયનો ના એ રહેવા દેશે, તને ક્યાંયનો ના એ રહેવા દેશે

ખોટા અહં એ તો ઊભા કરશે, વાસ્તવિકતાથી તને એ દૂર રાખજે - તને...

નવું ગ્રહણ તને ના કરવા દેશે, ખોટું તો ના છોડવા દેશે - તને...

સાચની પરખ તારી ઘટતી જાશે, તારું જ કર્યું તને સાચું લાગશે - તને...

જીવન તારું એ આમ વીતતુ જાશે, સાચા જીવનની સુવાસ ના મળશે - તને...

ચેતી ચેતી ચાલજે તું જીવનમાં, ચેતતો નર તો સદા સુખી થાશે - તને...

કિંમત તારી તું ખોટી આંકતો જાશે, ઉપાધિ ઊભી એ કરતી જાશે - તને... Satguru Shri Devendra Ghia (Kaka)