Hymn No. 193 | Date: 15-Aug-1985

ઓ આતમપંખી રે

 

જ્ઞાન, સત્ય, આભાર (Knowledge, Truth, Thanks)

1985-08-15 1985-08-15 1985-08-15 https://www.kakabhajans.org/bhajan/default.aspx?id=1682 ઓ આતમપંખી રે ઓ આતમપંખી રે

   પિંજરે પુરાઈ, પિંજરું તને કેમ મીઠું લાગ્યું

મુક્તિના શ્વાસ ભૂલીને તારા

   પિંજરાના બંધિયાર શ્વાસે, તું કેમ નથી રૂંધાયું - પિંજરું ...

હસવું-ખેલવું ભૂલીને તારું

   પિંજરાની દોડમાં તું કેમ બંધાયું - પિંજરું ...

મનગમતો ખોરાક મેળવવો ભૂલીને

   નાખેલ ખોરાકમાં કેમ તું લલચાયું - પિંજરું ...

ઊડવાનું ભૂલીને આકાશે

   પિંજરું હૈયે તેં કેમ લગાવ્યું - પિંજરું ...

ટહુકતું હતું ગાન તારું

   મુક્ત તારું એ ગાન કેમ વિસરાયું - પિંજરું ...

ખોટા ટહુકા કરીને

   તારું ગાન કેમ બદલાયું - પિંજરું ...

છોડીને ડર હૈયાનો

   યત્ન કર, પિંજરું છોડી ઊડવાનો - પિંજરું ...

મજા લઈ લે તું મુક્તિની

   સંકલ્પ કર, પિંજરે નહીં પુરાવાનો - પિંજરું ... Satguru Shri Devendra Ghia (Kaka)