Hymn No. 5094 | Date: 03-Jan-1994

ભૂલવું છે ઘણું ઘણું જીવનમાં રે પ્રભુ, એ બધું તો તું ભુલાવજે

 

પ્રાર્થના, ધ્યાન, અરજી, વિનંતી (Prayer, Meditation, Request)

1994-01-03 1994-01-03 1994-01-03 https://www.kakabhajans.org/bhajan/default.aspx?id=594 ભૂલવું છે ઘણું ઘણું જીવનમાં રે પ્રભુ, એ બધું તો તું ભુલાવજે ભૂલવું છે ઘણું ઘણું જીવનમાં રે પ્રભુ, એ બધું તો તું ભુલાવજે

ભૂલવામાં ને ભૂલવામાં રે પ્રભુ, તારા વિચારોને તો ના ભુલાવજે

તારાં દર્શનના પ્યાસા મારાં નયનોને, દર્શનના પ્યાસા ના રખાવજે

કરાવી દર્શન તારાં રે પ્રભુ, તારાં દર્શનની પ્યાસ એની બુઝાવજે

દૂર કરી મેલ મારા હૈયાના ને મનના, કુંદન સમ એને તો તું બનાવજે

હૈયેથી માયા ખંખેરાવી એના, જગમાં એને તારી માયામાં તો ડુબાડજે

જગસંપત્તિ દે, ના દે તો ભલે, તારા હૈયાની સંપત્તિથી ભરપૂર રાખજે

જગના દુઃખના દુઃખને દુઃખ લાગવા ના દેજે, તારાં દર્શનથી સુખી બનાવજે

જીવનનો સાચો સાર રે પ્રભુ, મનમાં ને હૈયામાં એને તું સુઝાડજે

લાગે વિનંતી મારી તને રે સાચી, મારી આ વિનંતી તો તું સ્વીકારજે Satguru Shri Devendra Ghia (Kaka)