Hymn No. 5347 | Date: 27-Jun-1994

ચારેકોર તો છે અંધકાર, મળતું નથી બહાર નીકળવાનું રે દ્વાર

 

સ્વયં અનુભૂતિ, આત્મનિરીક્ષણ (Self Realization, Introspection)

1994-06-27 1994-06-27 1994-06-27 https://www.kakabhajans.org/bhajan/default.aspx?id=847 ચારેકોર તો છે અંધકાર, મળતું નથી બહાર નીકળવાનું રે દ્વાર ચારેકોર તો છે અંધકાર, મળતું નથી બહાર નીકળવાનું રે દ્વાર

મૂંઝવણનો નથી હૈયામાં કોઈ પાર, છે વેદનાઓ ભરી હૈયામાં તો અપાર

રુખો સૂકો છે મારો રે સંસાર, ઉઠાવી રહ્યો છું એનો રે હું તો ભાર

જીવનભર ખાધા કંઈક તો માર, પ્રભુ હવે મને એમાંથી તો ઉગાર

છૂટતી નથી જીવનમાં ચિંતા લગાર, બની ગઈ હાલત જીવનની એમાં બિસ્માર

આવે છે જીવનમાં આફતોની લગાર, કરે છે હેરાન મને એ તો હદપાર

થાતા જાય છે ઢીલા રે સંસ્કાર, જોઈએ છે પ્રભુ કૃપા તારી બેસુમાર

નથી જીવનના રસ્તાના જાણકાર, રહ્યા અટવાતા અમે એમાં હદ બહાર

રહેવું છે હર સ્થિતિ માટે તૈયાર, જીવન તો છે જીવનનો લલકાર

મરણ તો છે જીવનનું રે દ્વાર, પડશે કરવો જીવનમાં એનો સ્વીકાર Satguru Shri Devendra Ghia (Kaka)