Hymn No. 5406 | Date: 03-Aug-1994
|
|
|
Text Size |
 |
 |
ભક્તિ માંગે ના કોઈ એનો અધિકાર, ચાહે એ તો, હૈયેથી એનો સ્વીકાર
Bhakti Manghe Na Koi Ano Adhikari ,Chahe Ae To,Haiya Thi Ano Swikar
પ્રેમ, ભક્તિ, શિસ્ત, શાંતિ (Love, Worship, Discipline, Peace)
ભક્તિ માંગે ના કોઈ એનો અધિકાર, ચાહે એ તો, હૈયેથી એનો સ્વીકાર
છે એ તો જ્યાં હૈયાના પ્રેમની પુકાર, ચાહે એ તો, હૈયેથી એનો રે સ્વીકાર
બનવા ચાહે સદા એ તો દેનાર ને દેનાર, ચાહે ના બનવા એ તો કોઈ માંગનાર
છે ઝરણું એ તો અંતરના પ્રેમનું, ધારા વહે પ્રેમપાત્રના ચરણમાં સદાય
છે એ તો પ્રેમ ને પ્રેમપાત્રને, જોડતી ને જોડતી પવિત્ર હૈયાની રે ધાર
જાગે એ કેમ ને ક્યારે હૈયામાં રે જીવનમાં, ના કદી એ તો કહી શકાય
ના જોય એ તો સુખદુઃખ તો જગના, છે એ તો સ્વયં, સ્વયં સુખની ધાર
તન્મય ને તન્મય થાતી જાય એ તો એમાં, છોડી દે ત્યાં બધી એ બીજા વિચાર
ઓગળતો ને ઓગળતો જાય, હૈયાનો અણુએ અણુ એમાં, એક જ્યાં એ થાતો જાય
બની ગઈ ભક્તિ જ્યાં, પરમ ફરજ જીવનની, જીવનનો ત્યાં થઈ જાય ઉદ્ધાર
સદ્દગુરુ દેવેન્દ્ર ઘીયા (કાકા)
|
|